101 Reykjavík
Klapparstígur 30 er sögufræg bygging í miðborg Reykjavíkur. Þar var eitt sinn rekin verslunin Vaðnes sem kaupmaðurinn Jón Jónsson rak, en þekktust er byggingin fyrir hinn goðsagnakennda skemmtistað Sirkus. Húsið var upphaflega teiknað af Guðmundi H. Þorlákssyni en samhliða uppbyggingu Hjartagarðsreitsins var húsið endurbyggt árið 2019 og tengt inn í Klapparstíg 28. Sigurður Hallgrímsson frá Arkþing Nordic teiknaði endurbygginguna.
Í húsinu er nú einn glæsilegasti veitingastaður landsins, Monkeys Food and Wine auk Kokteilbarsins. Á Monkeys geta gestir notið svokallaðrar Nikkei matreiðslu, þar sem japanskar matreiðsluhefðir blandast við perúískar og úr verður mikið úrval spennandi smárétta. Á bak við Monkeys og Kokteilbarinn er þaulreynt fagfólk með áratugareynslu af rekstri veitingastaða. Við mælum með heimsókn á Klapparstíg.

















