Bergey

Við Snorrabraut 54 stendur ein af perlum Reykjavíkur, gamla Mjólkurstöðin. Árið 1930 byggði Mjólkurfélag Reykjavíkur húsið eftir teikningum Einars Erlendssonar húsameistara en hann þykir vera einn af brautryðjendum í íslenskri byggingarlist. Húsið á sér merkilega sögu en á eftir Mjólkurfélaginu var þar um árabil Osta- og Smjörsalan. Þá hóf fyrsta frjálsa útvarpsstöð landsins, Bylgjan, útsendingar í húsinu og síðar voru þar höfuðstöðvar nýsköpunarfyrirtækisins OZ. Bergey tók við húsinu árið 2025 og eftir gagngerar endurbætur opnaði þar 22 íbúða hótelið Mjólk Hotel. Mikil áhersla var lögð á að halda í að varðveita upprunalegt útlit hússins og nýta bygginguna sem best.